Oppoq qog‘oz va qora dog‘


Saqlash
20:12 / 07.12.2021 5 210312

Professor darsxonaga kirib kelishi bilanoq talabalaridan ajoyib bir testga tayyorgarlik ko‘rishlarini so‘radi. Talabalar biroz tashvishga tushgan holda test boshlanishini kutishar edi. Muallim har doimgidek test qog‘ozini orqa o‘girib tarqatib chiqdi. Talabalar test savollarini o‘qish maqsadida qog‘ozni o‘girishdi. Qog‘oz o‘rtasida bitta qora nuqtadan boshqa hech qanday topshiriq yo‘q edi. Bundan ajablangan talabalar bir-birlariga hayron qarab qolishdi.

Professor talabalarning yuzida ajablanishni ko‘rishi bilan ularga: “Men qog‘ozda nimani ko‘rayotgan bo‘lsangiz, shu haqda yozishingizni so‘rayman”, dedi. Talabalar ikkilanish bilan tushunarsiz shartni bajarishni boshladilar. Darsning oxiriga kelib, professor barchadan qog‘ozlarni yig‘ib olib, har bir talabaning yozgan javobini ular oldida ovoz chiqarib o‘qiy boshladi. Talabalarning barchasi faqatgina qora nuqta haqida, uning qog‘ozning o‘rtasida joylashgani haqida yozgan, o‘z fikrini bayon qilgan edilar.

Javoblar o‘qib bo‘lingach, oraga sukunat cho‘mdi va biroz o‘tib professor talabalarga: “Men bu javoblarga baho qo‘ymoqchi emasman. Sizlarni mulohazaga chorlamoqchiman, xolos. Hech kim o‘z javobida qog‘ozning oq qismi haqida hech narsa yozmapti. Barcha diqqat-e’tiborni qora nuqtaga qaratibdi. Afsuski xuddi shu holat bizning hayotimizda ham mavjud. Biz har doim insonlarning yomon odatlariga e’tibor beramiz, xuddi qog‘ozdagi qora nuqta kabi. Aslida qog‘ozning oq joyi qora nuqtaga qaraganda ancha darajada ko‘p. Tiriklik Xudo tarafidan bir-birimizga yordam berish, qayg‘urish uchun berilgan sovg‘a. Hayotimiz xursandchiliklarga, yaxshiliklarga, yaxshi insonlarga to‘ladir. To‘g‘ri, o‘sha qora nuqtaga ham e’tibor qaratishimiz, uni to‘g‘rilashga yordam berishimiz kerak. Lekin bu oq joylarni unutmagan holda bo‘lishi kerak. Qora nuqta esa oq joylarga nisbatan juda ham kichkina, ko‘rinmasdir”, dedi.

Mirnosir Hasanov tarjimasi

5 Izohlar

SHaxnoza

06:01 / 01.01.1970

Inson hayotga oppoq qogizga ohshab dunyoga keladi.Dunyoda har hil odam bor kimdir yaxshi kimdir yomon. Bizning hayotimiz ham shu oq qogozdagi qora nuqtaga oxshaydi. Biz insonlarga yordam berishimiz, bir birimizni qaygurishimiz kerak. Agar insonlarga yordam bersak, mehrli bolsak hayotimiz juda gozal va chiroyli boladi

Dilnoza

06:01 / 01.01.1970

Har bir inson hayotida wunga oxshash oq va qora doglar boladi lekin oq doglar qora doglarga qaragamda koproq ammo bitta qilingan xato tufayli insonlar faqat osha qora dogni korishadi Bu esa achinarli hol

Joʻrabek

06:01 / 01.01.1970

Men ham hayotda koʻp insonlarni koʻrdim ularning orasida yaxshi insonlar koʻproq ularning ichida tomonlari ham

Qudratbek

06:01 / 01.01.1970

fikr qoldirganilar uchun raxmat 9 sinf imtinda foydasi juda katta boldi

Haydarova Dilbar.

06:01 / 01.01.1970

Yomon inson aslida yomon boʻlib tugʻilmaydi. Uni shu holga tushib qolishida atrof muhit katta rol oʻynaydi. Inson xato qildimi uni albatta tuzatish mumkin. Ammo ba'zi insonlar bunga ishonmaydi va faqat qora nuqtani ya'ni yomomlik va ayblarni ko'rishadi. Oʻsha Ya'ni tuzatishga boʻlgan harakatlarni va u insonning yaxshliklarini ko'roshmaydi. Ammo shuni yodda tutish kerakki Qogʻozdagi qora doogʻdan koʻra oq qismi koʻbroq.🙂🙂

Izoh qoldirish

So‘nggi qo‘yilgan

Barchasi

Qomus

10:07 / 19.07.2024 0 295
Musiqa

Bilasizmi?

14:07 / 11.07.2024 0 377
“Oqshom”mi, “ag‘sham”?

Bilasizmi?

18:06 / 25.06.2024 0 474
Mashrabning “o‘rtar”i



Ko‘p o‘qilgan

Barchasi

Qatra

20:12 / 07.12.2021 143 210313
Oppoq qog‘oz va qora dog‘

Hikmat

20:12 / 02.12.2021 88 99542
Eshikka osilgan taxtacha

Qomus

11:12 / 29.12.2021 4 24739
Kompetentlik

Qomus

17:08 / 04.08.2023 4 24243
Milliy urf-odatlar

Qomus

10:12 / 28.12.2021 9 18160
Manqurt(lik)

Qomus

15:07 / 28.07.2023 5 17178
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 16293
Xarakter

Qomus

10:09 / 26.09.2023 3 14524
Ommaviy madaniyat

//